Прэзентацыя да праекта "Не тое золата, што блішчыць"

Праект "Лён-лянок"

Праект "Хлеб на стале"

ВОПЫТНА-ДАСЛЕДЧЫ ПРАЕКТ «АДКУЛЬ УЗЯЛОСЯ МАСЛА?»

Кіраўнікі: Катлубай Алена Васільеўна, Лявіцкая Ала Дзмітрыеўна

Удзельнікі: Ігнатовіч Іван, Міжуй Ганна

УВОДЗІНЫ

У мяне ёсць бабуля.Яна жыве ў вёсцы Прыазёрная. Калі я наведваю бабулю, яна заўсёды частуе мяне малаком. Але найбольш мне падабаецца масла, якое яна робіць сама. І я зацікавілася, як з вадкага малака атрымоўваецца цвёрдае масла?! Так узнікла тэма нашага даследавання “Адкуль узялося масла?”.

Мы захацелі

Мэта: вывучыць працэс вытворчасці сметанковага масла ў хатніх умовах.

Для гэтага нам неабходна:

Задачы:

высветліць, з чаго можна зрабіць сметанковае масла;

вывучыць працэс прыгатавання сметанковага масла у хатніх умовах.

АСНОЎНАЯ ЧАСТКА

Я запытала: - “Адкуль у цябе такое смачнае масла?”

І бабуля мне расказала, як атрымоўваецца масла.

Па першае: карову трэба добра даглядаць і смачна карміць. Карова любіць есці сена. Для гэтага на ўчастку дзіцячага сада мы разам з Аленай Васільеўнай арганізавалі эксперыментальную пляцоўку. Тут мы вырасцілі траву для сенакосу.

Калі вырасла трава, яе скасіў мой тата.

Выйшлі на сенакос таксама і хлопчыкі.

А дзяўчынкі высушыліі сграблі сена ў капу.

Адвезлі сена да маёй бабулі. Бабуля пакарміла карову Жулю, напаіла,

вечарам яе падаіла.

Раніцай прывезла малако нам у дзіцячы сад.

Малако пастаяла некалькі дзён.

Калі вяршкі загусцелі, разам з выхавальнікам сабралі іх ў слоік.

Спачатку каталі слоік на рушніку па сталу, трэслі ў руках.

Збівалі вельмі доўга да тых пор, пакуль не атрымаліся невялікія камячкі масла.

Затым атрыманы прадукт працадзілі праз сіта, аддзялілі масла ад маслёнкі.

Так у нас атрымалася масла.

Алена Васільеўна паказала, як збівалі масла раней.

А яшчэ на занятку ў яе мы даведаліся аб карысці масла.Сметанковае масла карысна для скуры, валасоў, зроку. Яно багата вітамінамі. Трэба толькі памятаць, што, калі масла растапіць на патэльні, вітамінаў у ім не застаецца. Менавіта таму, кавалачак масла лепш класці ва ўжо гатовую ежу.

ЗАКЛЮЧЭННЕ

Наша здагадка падцвердзілася: з малака можна зрабіць сапраўднае масла.

У ходзе даследавання мы даведаліся, як робіцца масла ў хатніх умовах. Этапы нашай працы мы адлюстравалі ў схемах (Дадатак 1,2,3).

Сметанковае масла – крыніца карысных вітамінаў. Ужывайце яго ў ежу. Заўсёды будзеце здаровыя і прыгожыя.

Прадукт нашага доследу мы сёння прывезлі з сабой. Калі ласка, пакаштуйце!