У цэнтральнай раённай бібліятэцы стартаваў Тыдзень дзіцячай кнігі. Для сваіх юных чытачоў супрацоўнікі бібліятэкі падрыхтавалі тэатралізаваную пастаноўку «У госці да Бабы-Ягі». Героямі прадстаўлення сталі любімыя з дзяцінства казачныя героі: Баба-Яга, Кікімара, Лясун, Кашчэй, Ванюша, Кот і Гусі-Лебедзі. Нашы выхаванцы з задавальненнем удзельнічалі ў прапанаваных ім забавах, разгадвалі загадкі. У фае будынка была аформлена фотазона, выкананая па матывах казкі Л. Кэрала «Аліса ў краіне цудаў».